Festival Arteficial

Festival Arteficial

O festival Arteficial é un festival especial, que ten lugar en Ribadavia. Normalmente celébrase durante o mes de Setembro. Nos últimos anos adoptou un formato maioritariamente diurno, aínda que no pasado tiña un formato e estilo diferente. O festival está organizado por unha asociación formada por mozas e mozos do Ribeiro, que teñen como principais obxectivos promocionar as bandas locais e potenciar as diversas formas de expresión cultural.

Público nun dos concertos do Festival Arteficial

É unha gozada visitar Ribadavia no verán e xa se coincide co día do festival, simplemente perfecto.

Na área onde se organiza actualmente o festival, hai diferentes tipos de escenarios. Varios exteriores, pero tamén algún dos concertos ten lugar no interior da igrexa da Madalena. Esta igrexa, está situada en pleno barrio xudeu e é perfecta para os concertos máis íntimos e en acústico.

Concertos

Concerto dentro da Igrexa da Madalena en Ribadavia
Concerto no escenario exterior

Ademais de gozar de boa música, os asistentes tamén poderán comer no mesmo recinto. Todos os anos hai varias « food truck» e postos de comida, que se encargan da parte gastronómica. Tamén existen mesas e bancos no recinto, para que todo o mundo poida comer tranquilo e gozar do evento.

Plaza Buján festival Arteficial
Plaza Buján festival Arteficial

Postos

Se queres levarte algún recordo ou comprar algo, no mesmo recinto, instálanse unha serie de postos de artesáns e artistas. Alí mostran as súas creacións e véndenas ao público. Todo isto, crea unha xenial atmósfera para gozar en familia.

Mercado das sementes Arteficial
Mercado das sementes Arteficial

Comida

Ademais, existen diferentes posibilidades para a hora para comer e recargar forzas. Desta forma, poderás seguir a lume de biqueira durante todo o festival. Deixámosche unhas imaxes, para que se che vaia abrindo o apetito.

Pizza
Hamburguesa
Kebab

En definitiva, non debes perder a oportunidade de asistir o próximo ano 2021. O festival Arteficial terá lugar en Setembro e seguro que non te decepcionará. O equipo que traballa na súa organización, sempre está a pensar en novas ideas para facelo inesquecible.

Xigantes e cabezudos
Público durante un dos concertos

Por encima de todo, é un evento de balde e aberto a todo o público que teña ganas de pasar un bo intre, gozar da música e porqué non tamén, do saboroso viño ribeiro!

Se quedaches coas ganas de coñecer Ribadavia un pouco máis, na seguinte entrada falamos máis sobre esta vila:

Podes seguir a Arteficial nas redes sociais facendo clic aquí (Facebook) ou aquí (Instagram).

Se queres estar ao tanto de novas publicacións no noso blogue, podes seguir a @boturismo nas redes tamén facendo clic aquí(Facebook) ou aquí(Instagram).

Deja una respuesta

Tu dirección de correo electrónico no será publicada. Los campos obligatorios están marcados con *